Nødnett - Hallingdal legevaktsentral

Nødnettet er felles for nødetatane; brann, helse og politi, og skal sikre ein betre og meir effektiv kommunikasjon innanfor og mellom nødetatane. Politi, brannvesen og ambulansetenesta har allereie teke systemet i bruk.

Alle legekontor i Hallingdal har minst to telefonnummer; eitt legevaktnummer som er meint for hastehenvendelsar, og eitt telefonnummer som meint for vanleg timebestilling og andre medisinske spørsmål.

Før innføring av nødnett i legetenesta, kom publikum til det enkelte fastlegekontor når ein ringte legevaktnummeret i kontortida, og til Hallingdal Legevaktsentral på helg, kveld og natt.

Etter innføring av nødnett i Hallingdal vil alle henvendelsar til legevakt bli besvart ved Hallingdal Legevaktsentral heile døgnet. Det er altså legevaktnummeret som heretter blir besvart av operatør på Hallingdal Legevaktsentral, og som deretter varslar rett legekontor.

Telefonnr til legevakt er 116 117. Dette telefonnummeret skal berre brukast ved behov for øyeblikkeleg hjelp.

Ved akutt/livstrugande sjukdom eller skade ringer du som før 113.